თიბისი IT აკადემიის აბსოლუტურად ყველა კურსი 100%-ით დაფინანსებულია თიბისი ბანკის მიერ. შესაბამისად, კურსზე წარმატებით ჩარიცხვის შემთხვევაში სტუდენტს არ უწევს არანაირი საფასურის გადახდა.

თიბისი IT აკადემიის კურსების ხანგრძლივობა მერყეობს სამი თვიდან ექვს თვემდე. დეტალური ინფორმაცია კურსის ვადების შესახებ შეგიძლიათ იხილოთ უშუალოდ კურსების აღწერის გვერდზე.

კურსზე ადგილების რაოდენობა განსხვავებულია და მერყეობს 20-დან 30-მდე.

იმისათვის, რომ სტუდენტი ჩაირიცხოს თიბისი IT აკადემიის რომელიმე კურსზე საჭიროა შემდეგი ეტაპების გავლა:

1. რეგისტრაცია ვებ გვერდზე მითითებულ ვადებში

2. უნარების ონლაინ ტესტირება

3. ტექნიკური ტესტირება

4. HR სამოტივაციო ვიდეოს ატვირთვა

5. ტექნიკური გასაუბრება

ეტაპები შეიძლება განსხვავდებოდეს კურსის მიხედვით, მაგალითად, ზოგ შემთხვევაში, ამოღებულია უნარების ტესტირება. შესაძლოა ტექნიკური ტესტირება ჩანაცვლებული იყოს ტექნიკური დავალებით და ა.შ.

დიახ, სტუდენტს შეუძლია დარეგისტრირდეს რამოდენიმე კურსზე და მიიღოს მონაწილეობა ერთზე მეტი კურსის შერჩევაში. თუმცა, აკადემიის შიდა პოლიტიკიდან გამომდინარე, აპლიკანტს შეუძლია მხოლოდ და მხოლოდ ერთ კურსზე სწავლა. შესაბამისად, იმ შემთხვევაში თუ აპლიკანტი ორი ან მეტი კურსის შერჩევის ეტაპს წარმატებით გაივლის მას მოუწევს აირჩიოს კონკრეტულად რომელი მიმართულებით უნდა გააგრძელოს სწავლა.

თიბისი IT აკადემიაში სწავლა ტარდება სრულიად ონლაინ.