Question 1

კურსის აღწერა

Accepted Answer

პროგრამის მიზანია მსმენელებს მისცეს ცოდნა ბლოკჩეინის, როგორც ტექნოლოგიის შესახებ, განსაკუთრებული აქცენტი კი გააკეთოს ბანკინგის, ფინანსური და მომიჯნავე ინდუსტრიებისთვის (ფინტეკი, დაზღვევა, ფასიანი ქაღალდები, უძრავი ქონება) ბლოკჩეინის გამოყენების მაგალითებზე. პროგრამის ერთ-ერთი მთავარი ამოცანაა ბლოკჩეინ-ტექნოლოგიის დემისტიფიკაცია და მისი პრინციპების სიღრმისეულად შესწავლა, მისი თავისებურებების განხილვა და რეალური ბიზნეს-აპლიკაციების ბლოკჩეინზე მორგებულ სტილში გადაწყვეტის მაგალითების ჩვენება.
მიუხედავად იმისა, რომ ბლოკჩეინი საზოგადოებისთვის ღრმა ტექნოლოგიურ საკითხად განიხილება, აღნიშნული პროგრამა არ იქნება მხოლოდ დეველოპერებისთვის და IT სფეროს წარმომადგენლებისთვის. მეტიც, კურსის ფარგლებში დიდ აქცენტს გავაკეთებთ ბლოკჩეინ-ტექნოლოგიის იმ ასპექტებზე, რომლებიც აუცილებელია პროექტების სტრატეგიული დაგეგმვისთვის, მენეჯმენტისთვის და რეგულაციურ ჩარჩოებში ჩაჯდომისთვის.

პროგრამის წარმატებით დახურვის შემდეგ:

გეცოდინებათ სხვადასხვა ბლოკჩეინ-ტექნოლოგიის ძირითადი კონცეფციები და ტერმინოლოგია, შეძლებთ ბლოკჩეინ-ტექნოლოგიასთან დაკავშირებული პროცესების ანალიზს, პროდუქტებისა და ბიზნეს-პროცესების დაგეგმვას. პროდუქტების მიხედვით შეძლებთ ოპტიმალური ტექნოლოგიის შერჩევას, დადებითი და უარყოფითი მხარეებისა და შესაძლო პრობლემების შეფასებას.

Question 2

ვისთვისაა კურსი?

Accepted Answer

პროექტის სამიზნე აუდიტორიას წარმოადგენს 18 წლის ზემოთ დასაქმებული ადამიანების ფართო სპექტრი - ბიზნესის მფლობელები, პროექტის მენეჯერები, Product owner-ები, რისკ და Compliance მენეჯერები, IT სპეციალისტები და მომიჯნავე სფეროს წარმომადგენლები.

Question 3

კურსის შინაარსი

Accepted Answer

1. შესავალი - genesis block, ძირითადი კონცეპტები, ტერმინოლოგია

მიმოვიხილავთ ბლოკჩეინის შექმნის ისტორიას, მნიშვნელობას და მიზნებს. მსმენელები გაიგებენ ძირითადი კონცეფციების  (როგორებიცაა დისტრიბუციული დავთრები, ჰეშირება, ბლოკები, ნოუდები) შესახებ და გაეცნობიან ძირითად ტერმინოლოგიას

2. როგორ მუშაობს ბლოკჩეინი - დისტრიბუციული დავთრის (distributed ledger) მუშაობის სპეციფიკა

უფრო ღრმად მიმოვიხილავთ dlt-ს, მონაწილეები გაეცნობიან ბლოკჩეინის სტრუქტურას, ბლოკების შექმნის პრინციპებს და მნიშვნელობას, კონსენსუსის პროტოკოლებს

3. ბლოკჩეინის სახეები - საჯარო (public), დახურული (private), კონსორციუმი (consortium)

მიმოვიხილავთ სამივე სახის ბლოკჩეინების დადებით და უარყოფით მხარეებს, რა შემთხვევაში ჯობია თითოეული მათგანის გამოყენება და რა პრაქტიკული გამოყენება აქვს დღესდღეობით თითოეულ მათგანს

4. კრიპტოვალუტები და ციფრული აქტივები - ბიტკოინი, ეთერიუმი და ყველაფერი, რაც მათ შემდეგ მოხდა კრიპტო-სამყაროში

გავეცნობით  ყველაზე მეტად გავრცელებული ვირტუალური აქტივების უკან მდგომ ტექნოლოგიებს და მუშაობის პრინციპებს, გამოყენების სფეროებს და პერსპექტივებს ფინანსური ეკოსისტემების ჭრილში. ასევე მიმოვიხილავთ სხვადასხვა ტიპის ციფრულ აქტივებს - security და utility ტოკენებს

5. ბლოკჩეინის გამოყენება ბანკინგში - გადახდები, ქლირინგი, იდენტობის დადასტურება

მიმოვიხილავთ ბლოკჩეინის პრაქტიკული გამოყენების შესაძლებლობებს ბანკინგში - როგორ შეიძლება გადახდების გაუმჯობესება და გაიაფება ბლოკჩეინ ტექნოლოგიების გამოყენებით, როგორ შეიძლება ქლირინგის და settlement პროცესების გამარტივება, და როგორ შეიძლება ერთი შეხედვით ანონიმურობაზე დამყარებულ სისტემაში მომხმარებლების იდენტიფიკაცია და ვერიფიკაცია

6. ბლოკჩეინი და ფინტექი - ტრადიციული ბანკინგის შეცვლის გზა

მიმოვიხილავთ ბლოკჩეინის და ფინტექის გადაკვეთის შესაძლო წერტილებს, რა უპირატესობები და ნაკლოვანებები შეიძლება ჰქონდეს ბლოკჩეინის გამოყენებას ფინტექ-პროდუქტებში და როგორ შეიძლება ტრადიციული ბანკინგის შეცვლა ფინტექისა და ბლოკჩეინის გაერთიანებით

7. რეგულაციები და რეგულატორები

მიმოვიხილავთ რეგულაციებს მსოფლიოს წამყვან ქვეყნებში და ლოკალურ დონეზე. ძირითადად ვისაუბრებთ იმაზე, თუ რა ვალდებულებები ეკისრება ბიზნესს ბლოკჩეინ-ტექნოლოგიების გამოყენების შემთხვევაში

8. კრიპტოგრაფია, კონსენსუსის მექანიზმები და პოტენციური რისკები

ძირითადი ფოკუსის ობიექტი იქნება კრიპტოგრაფია - მსმენელებისთვის გასაგებ ენაზე, კრიპტოგრაფიული პროტოკოლები და კონსენსუსის მექანიზმები, რომლებიც შესაძლებლობას გვაძლევს გამოვიყენოთ ბლოკჩეინი, როგორც ტექნოლოგია. ვისაუბრებთ რისკებზე, რომლებიც დეცენტრალიზებული სისტემების გამოყენებას ახლავს თავს და იმაზე, თუ როგორ ავიცილოთ თავიდან აღნიშნული რისკები

9. ინფორმაციის ფლობა და დაცვა

ვისაუბრებთ ბლოკჩეინის შესაძლებლობებზე, გააუმჯობესოს მომხმარებლების პირადი ინფორმაციის დაცვის ხარისხი და პირადი ინფორმაციის კონტროლი დაუბრუნოს ამ ინფორმაციის მფლობელებს. ასევე, მიმოვიხილავთ ინფორმაციის გამჭვირვალობის და დაცულობის პარალელურად არსებობის ასპექტებს

10. ბლოკჩეინ პროექტები - რა სარგებლობა მოგვიტანა ბლოკჩეინმა უკვე - case studies

მიმოვიხილავთ რეალურ მაგალითებს, სადაც ბლოკჩეინის დანერგვით კომპანიებმა და მომხმარებლებმა მიიღეს გარკვეული სარგებელი. განვიხილავთ რეალურ სამყაროში მოქმედ აპლიკაციებს - ფინანსური და მომიჯნავე სფეროებიდან

11. დეცენტრალიზებული ფინანსები, cbdc, nft-ები

defi, cbdc, nft - თანამედროვე ბლოკჩეინ სამყაროს სამი ყველაზე მნიშვნელოვანი ტრენდია. აღნიშნული თემის განხილვისას ვიპოვით საერთო შეხების წერტილებს წინა თემებთან (მაგ. რეგულაციები, ფინტექი) და განვიხილავთ ამ ტექნოლოგიების სამომავლო პერსპექტივებს

12. ბლოკჩეინების ‘დამეგობრება’ - blockchain interoperability და სამომავლო პერსპექტივები

მიმოვიხილავთ სხვადასხვა ბლოკჩეინების ურთიერთდაკავშირების მნიშვნელობას, საკითხებს, პრინციპებს, სირთულეებს და ბენეფიტებს

13. ფინალური პროექტი

Question 4

შერჩევის ეტაპები

Accepted Answer

I ეტაპი - რეგისტრირებულთა აპლიკაციების ტექნიკური გადარჩევა
II ეტაპი - ტექნიკური გადარჩევის შემდეგ გადმოგეგზავნებათ წინასწარ ჩაწერილი ვიდეო-გაკვეთილები დამატებითი საკითხავი მასალით (ჰენდაუთებით) და გამოსაკვლევი თემების ჩამონათვალით. კვლევისათვის მონაწილეებს მიეცემათ 1 კვირიანი პერიოდი. 1 კვირიანი პერიოდის შემდეგ ტესტირების შედეგად (დახურული პასუხები, 40 შეკითხვა) გადაირჩევა არაუმეტეს 80 მონაწილისა - საუკეთესო შედეგების მიხედვით. 
III ეტაპი - დარჩენილი მონაწილეებიდან 60-ის (ორი ჯგუფი) შერჩევა მოხდება პირადი გასაუბრების საფუძველზე - მათ მიერ გამოვლენილი დამატებითი ცოდნის, მოტივაციისა და Soft skill-ების საფუძველზე.

Question 5

ვინ მასწავლის

Accepted Answer

ლევან ილაშვილი

ლევანს პროგრამული უზრუნველყოფის ინჟინერიაში 13 წლიანი სამუშაო გამოცდილება აქვს. ის ფინანსური მომსახურებისა და სადაზღვეო ინდუსტრიის კომპლექსური აპლიკაციების შექმნა, დანერგვასა და ადაპტაციაზე მუშაობდა. მას კარიერის განმავლობაში დაპროგრამებული აქვს ეკონომიკურად ეფექტური, მაღალი ხარისხის სისტემები რთული ბიზნეს პრობლემების გადასაჭრელად.

2017 წლიდან ლევანი დაინტერესდა ბლოკჩეინ ტექნოლოგიით - მას შემდეგ აქტიურად არის ჩართული სხვადასხვა ბლოკჩეინ პროდუქტების დეველოპმენტში და აქტიურად თანამშრომლობს ამერიკულ და ევროპულ კომპანიებთან. 2022 წელს საქართველოში დააფუძნა ერთ-ერთი ყველაზე პოპულარული კრიპტო-გადამცვლელი CoinSwap, რომელსაც წამყვანი როლი უკავია როგორც ბიზნესის და პროდუქტების მართვაში, ასევე დეველოპმენტის მიმართულებით.

Advanced Python Development: Beyond the Basics

კურსის აღწერა

ვისთვისაა კურსი

კურსის შინაარსი

ვინ მასწავლის

კურსის აღწერა

ვისთვისაა კურსი

კურსის შინაარსი

შერჩევის ეტაპები

კურსის აღწერა

ვისთვისაა კურსი?

კურსის შინაარსი

შერჩევის ეტაპები

ვინ მასწავლის

კურსის აღწერა

ვისთვისაა კურსი?

კურსის შინაარსი

შერჩევის ეტაპები

ვინ მასწავლის

კურსის აღწერა

ვისთვისაა კურსი?

კურსის შინაარსი

შერჩევის ეტაპები

ვინ მასწავლის

კურსის აღწერა

ვისთვისაა კურსი?

კურსის შინაარსი

შერჩევის ეტაპები

ვინ მასწავლის

კურსის აღწერა

ვისთვისაა კურსი?

კურსის შინაარსი

შერჩევის ეტაპები

ვინ მასწავლის

კურსის აღწერა

ვისთვისაა კურსი?

კურსის შინაარსი

შერჩევის ეტაპები

ვინ მასწავლის

კურსის აღწერა

ვისთვისაა კურსი?

კურსის შინაარსი

შერჩევის ეტაპები

ხშირად დასმული კითხვები

როგორ ხდება კურსებზე რეგისტრაცია და შერჩევა?

შემიძლია თუ არა ერთზე მეტ კურსზე რეგისტრაცია?

რა ღირს სწავლა პროგრამის ფარგლებში?